විදුහල්පති පණිවිඩය

හ/ගැටමාන්න උතුර කණිටු විද්‍යාලයට අඩසියවසක් සපිරෙන මේ මොහොතේ විද්‍යාලයීය නිළ වෙබ් අඩවිය එළිදැක්වීම පාසල් ඉතිහාසයේ රන් අකුරින් ලියවෙනු ඇත. එවන් අවස්ථාවක විදුහල්පති වරයෙකු වශයෙන් ඒ සඳහා සුබ පැතුම් එක් කිරීමට ලැබීම මගේ භාග්‍යයක් කොට සලකමි.

විද්‍යුත් තාක්ෂණයෙන් සුසංයෝග ගුණාත්මක අධ්‍යාපනයක් අත්කර දීම මඟින් නිපුණතා පූර්ණ යහපත් පුරවැසියෙකු බිහිකිරීමෙහි ලා හිතකාමී වාතාවරණයක් ගොඩ නැගීමේ උදාර මෙහෙවරෙහි නියැලෙන අප විදුහල් මාතාව තංගල්ල අධ්‍යාපන කලාපයේ ඉතා දුෂ්කර වුවත් දීප්තිමත් පාසලකි. තොරතුරු සන්නිවේදන තාක්ෂණයේ දියුණුවත් සමඟ ලෝකයම විශ්ව ගම්මානයක් වී ඇති මේ මොහොතේ අප පාසල් නිළ වෙබ් අඩවිය එළි දැක්වීම මගින් විද්‍යාලයීය නම ලොව පුරා ප්‍රචලිත වනු ඇතැයි මම විශ්වාස කරමි.

අවසන් වශයෙන් මෙම උදාර කර්තව්‍යයට දායක වූ තොරතුරු තාක්ෂණ සංගමයේ ඩී.කේ.ජී.එස් බණ්ඩාර මයා ප්‍රමුඛ ගුරුභවතුන් හා දරු දැරියන්ට මගේ ගෞරවනීය ස්තුතිය පුද කරන අතර මෙම කටයුත්ත සඳහා උණුසුම් සුභ පැතුම් එක්කරමි.

විදුහල්පති,

ගැටමාන්න උතුර කණිටු විදුහල